Reitir

Opplev Reitir – med Aasmund Nordstoga og Ingebjørg Lognvik Reinholdt i front!

Ei kraftfull og leiken foreining av norsk og skotsk folkemusikk, med kveding, fele, gitar og kontrabass i sentrum. Høyr det strålande mottekne albumet Fe Alt Som Eingong Va live - samt nye freske arrangement av norske folketonar.

Reitir er eit kraftfullt og leikent møte mellom norsk og skotsk folkemusikk – rota i tradisjon, men med eit uttrykk som boblar av energi og speleglede. I front står den Telemark-kjende kvedaren og visesongaren Åsmund Nordstoga, saman med Sarah Jane Summers og Ingebjørg Lognvik Reinholdt, i lag med Juhani Silvola på gitar og Morten Kvam på kontrabass.

Bandet sameinar kveding frå Telemark og skotsk felespel i eit repertoar som inviterer til både lytting og dans – frå dialektversjonar av Robert Burns-dikt, omsette til vest-telemål av Peter Fjågesund, til norske folkesongar og slåttar henta inn i 2026. Slik speglar Reitir den sterke slektskapen mellom skotsk og norsk visetradisjon: folkeleg poesi, nære forteljingar og musikk som er meint å brukast – syngjast, spelast og dansast til.

Konserten blir presentert i to sett med barpause imellom, og publikum kan vente seg ei varm, engasjerande formidling – like mykje ei musikalsk reise som ein fest.

Dette seier kritikarane:

«Occasionally, in this business, one comes across wee gems like this one. It's worth sitting in the dark to watch them glow!» — Nick Burbridge, RnR Magazine (jan/feb 2025)

«Harmonisk lét trioen somme tider som eit orkester.» — Torkjell Hovland, Bladet Folkemusikk

«Eg kan med handa på hjarta sei at vi hadde ei magisk konsertoppleving med Reitir då dei heldt konsert i fjellhallen på Solstrand Hotel 7. september 2021.» 
– Magne Brekke, Lyngheimtunet